O secretario xeral para o Deporte asinou as adxudicacións dos patrocinios ás 8 entidades beneficiarias da provincia de Ourense

 O Plan de patrocinio publicitario dos equipos de alta competición de Galicia é unha iniciativa da Fundación Deporte Galego que se desenvolve por segundo ano consecutivo. A marca Deporte Galego irá esta tempada acompañada pola de Galicia Calidade nos soportes publicitarios dos equipos adxudicatarios, en relevo da do Xacobeo que se empregou a pasada campaña.

Con esta actuación a Secretaría Xeral para o Deporte quere apoiar aos equipos galegos de alta competición, nun momento no que é moi difícil para eles o mantemento do apoio da empresa persoal. Así mesmo, é importante destacar a tarea de promoción do deporte galego e da marca Galicia Calidade que estes equipos farán no ámbito nacional e internacional.

As entidades beneficiarias dos patrocinios da provincia de Ourense repártense un total de 217.672,81 euros, que se distribúen entre as seguintes entidades: AD Ourense Hockei Club, CH Barrocás, Cidade de As Burgas FS, Club Baloncesto Feminino Ourense, Club Ourense Baloncesto SAD, Club Vedruna, Ponte Ourense CF SAD e UD Barbadás